بریانی بیچنے والے شخص کی پٹائی

نوئیڈا میں ایک بریائی فروخت کرنے والے کو شرپسندوں کی جانب سے زد و کوب کرنے کا معاملہ سامنے آیا ہے۔

اطلاعات کے مطابق 43 سالہ شخص گریٹر نوئیڈا علاقے میں بریانی بیچ رہا تھا، تبھی وہاں کچھ شرپسند پہنچے اور اس کے ساتھ گالی گلوچ اور مار پیٹ کرنے لگے۔

نوئیڈا پولیس نے بریانی فروخت کرنے کے واقعہ کی تصدیق کی ہے۔ گریٹر نوئیڈا کے ایس پی رن وجے سنگھ نے کہا، 'واقعہ ربوپورہ علاقے کا ہے۔ ہم نے ویڈیو کا مشاہدہ کیا ہے اور معاملے کی تفتیش کی جا رہی ہے۔ متاثرہ شخص کی شناخت ہو گئی ہے اور اسے پولیس اسٹیشن بلایا گیا ہے۔ تین افراد کے خلاف مقدمہ درج کیا گیا ہے۔ ملزمین کی تلاش جاری ہے'۔