میزورم میں ایک اور بار زلزلے کی اطلاع ہے۔ اس کی شدت ریکٹر اسکیل پر 4.1 ماپی گئی۔ گزشتہ 48 گھنٹوں میں اس پہاڑی ریاست میں یہ تیسرا زلزلہ تھا۔ ڈیزاسٹر مینجمنٹ کے عہدیداروں کے مطابق زلزلے کی وجہ سے کسی کے جان و مال کے نقصان کی کوئی خبر نہیں ہے۔ زلزلہ منگل کی شب 7.17 بجے آیا۔
محکمہ موسمیات (آئی ایم ڈی) کے عہدیداروں نے بتایا کہ اس زلزلے نے جنوبی میزورم میں میانمار سے ملحقہ ضلع لُنگلئی میں آیا۔ زلزلہ چند سیکنڈ میں ختم ہو گیا، اور یہ زمین کے 25 کلومیٹر کی گہرائی میں واقع تھا۔
اس سے قبل پیر کے روز مشرقی میزورم کے چمفئی علاقے میں اور میانمار سے ملحقہ دیگر شمالی مشرقی میں 5.5 شدت کا زلزلہ آیا تھا۔ جس کے سبب عمارتوں اور اہم تنصیبات سمیت 31 ڈھانچے کو نقصان پہنچا تھا۔
اس سے قبل ریاست میں اتوار کی شام 4.16 بجے 5.1 شدت کا زلزلہ اور جمعرات کی شب 5.0 شدت کا زلزلہ آیا تھا۔
وزیر اعظم نریندر مودی، وزیر داخلہ امت شاہ اور ڈی او این ای آر وزیر جتیندر سنگھ نے میزورم کے وزیر اعلی جورامتھانگا سے بات کی اور مرکز سے مدد کی پیش کش کی۔
