دہلی کے اندراگاندھی انٹرنیشنل ہوائے اڈے پر پیر کے روز دبئی جانے والے 25 مسافر کورونا متاثر پائے گئے ہیں۔ اس کے بعد ان تمام مسافروں کے سفر کرنے پر پابندی عائد کری گئی ہے۔ تمام مسافروں کو دہلی حکومت کی جانب سے تعینات ڈی ڈی ایم اے کی ٹیم کے حوالے کردیا گیا ہے۔ Dubai Passenger corona positive
کورونا مثبت پائے جانے والے مسافروں میں سے 13 مسافر اسپائس جیٹ اور باقی 12 مسافر دوسرے ائیرلائنز سے سفر کرنے کے لیے اندرا گاندھی ہوائی اڈے پہنچے تھے۔ ان کی ریپڈ آر ٹی پی سی آر کی رپورٹ مثبت آئی ہے۔
متحدہ عرب امارات کے کورونا رہنما خطوط کے مطابق دبئی جانے والے مسافروں کو پرواز سے پہلے ریپڈ آر ٹی پی سی آر ٹیسٹ کرانا لازمی ہے۔ UAE Govt Corona Guidelines for Passengers
پیر کو پرواز سے قبل ان مسافروں کا کورونا ٹیسٹ کیا گیا تھا۔ اس کے بعد ان کی رپورٹ مثبت آئی۔ انہیں فوری طور پر پرواز کرنے سے روک دیا گیا ہے۔ اسپائس جیٹ ایئرلائن کے ترجمان نے کہا کہ دبئی جانے سے پہلے کورونا ٹیسٹ کرانا لازمی ہے۔ Dubai Passengers Deboarded after testing Positive
مسافروں کے کورونا مثبت پائے جانے کے بعد ہوائی اڈے پر تعینات دہلی حکومت کے نوڈل افسر کو معاملے کی اطلاع دی گئی۔ اس کے بعد متاثرہ مسافروں کو ان کے حوالے کر دیا گیا، جو انہیں قرنطینہ سینٹر لے گئے۔ انہوں نے کہا کہ یہ ایک عام عمل ہے۔ اومیکرون کے خطرے کے پیش نظر قوانین کے مطابق مسافروں کا کورونا ٹیسٹ کیا جا رہا ہے۔
