ریاست چھتیس گڑھ کے ضلع رائے پور سے جھارکھنڈ جانے والے مزدوروں کے لیے رائے پور کے دھرم پورہ رادھا سوامی ستسنگ ویاس آشرم سے بسوں کا انتظام کیا گیا ہے۔ یہ بسیں جھارکھنڈ کے 6 اضلاع سے رائے پور دھرم پورہ پہنچ رہی ہیں، جس کے بعد جھارکھنڈ کے مزدوروں کو روانہ کر دیا جائے گا۔
بتا دیں کہ اب تک مجموعی طور پر 400 مزدور رائے پور کے رادھا سوامی ستسنگ ویاس آشرم پر پہنچ چکے ہیں۔ حکام نے بتایا کہ کل 1000 مزدوروں کی توقع ہے۔ گونڈا، گڑھوا، سرائیکلا، بوکارو، ہزاری باغ سے کل 15 بسیں آشرم پہنچیں گی، جس کے بعد مزدوروں کو یہاں سے بھیجا جائے گا۔
مزدوروں نے بتایا کہ انہیں میڈیا کے ذریعے یہ اطلاع ملی ہے کہ جھارکھنڈ کے مزدوروں کو واپس بھیجا جا رہا ہے، جس کے بعد کئی مزدور دھرم پورہ رادھا سوامی ستسنگ ویاس آشرم پہنچ گئے۔ اس دوران تمام 400 مزدوروں کو اسکین کرکے آشرم کے اندر رکھا گیا ہے، جن کو بس آنے کے بعد یہاں سے روانہ کیا جائے گا۔ وہیں کئی ایسے مزدور بھی ہیں جو دوسری ریاستوں میں جانے کے لیے دھرم پورہ پہنچ چکے ہیں اور ایسے لوگوں کا فون نمبر لے کر رکھ لیا گیا ہے اور جب ان کے ضلع کی بسیں آتی ہیں تو انھیں معلومات دینے کی یقین دہانی کرائی جائے گی۔
رائے پور کے ایس ڈی ایم سندیپ اگروال نے بتایا کہ اب تک 400 مزدوروں کو اسکین کرکے انہیں آشرم کے اندر رکھا گیا ہے۔ مجموعی طور پر 1000 مزدوروں کے آنے کا امکان ہے جنھیں رائے پور سے جھارکھنڈ بھیجا جائے گا۔ صرف جھارکھنڈ کے ان اضلاع سے بسیں طلب کی گئیں ہیں جہاں مزدوروں کو بھیجا جانا ہے۔ جیسے ہی بس رائے پور پہنچے گی، مزدوروں کو بس میں بیٹھا کر جھارکھنڈ بھیج دیا جائے گا۔ کلکٹریٹ میں محکمہ مزدور نے ایک کنٹرول روم بنایا ہے جہاں مزدوروں سے درخواستیں لی جا رہی ہیں۔ آشرم میں مزدوروں کے لیے کھانے پینے کے انتظامات کیے گئے ہیں، اسی طرح راستے میں کھانے کے لیے کھانے کے پیکٹ بھی مہیا کیے جا رہے ہیں۔
