ریاست چھتیس گڑھ کے وزیر آبکاری کواسی لکھما کے لاک ڈاؤن خلاف ورزی اور کورونا انفیکشن کے بیان پر وزیر صحت ٹی ایس سنگھ دیو نے میڈیکل ٹیم بھیجنے کی بات کہی ہے۔
دراصل وزیرآبکاری کواسی لکھما اچانک دارالحکومت سے رائے گڑھ اپنے قافلے کے ساتھ پہنچ گئے تھے۔ پوچھے جانے پر وزیر نے کوسم نارا میں بابادھام کے درشن کی بات کہی تھی۔ اسی کے ساتھ انہوں نے خود کو کورونا مثبت بھی قرار دے دیا تھا۔
وزیر صحت ٹی ایس سنگھ دیو نے کہا کہ' کواسی لکھاما مضبوط ذہن کے ہیں۔ ان کی زبان پھسل گئی ہوگی۔ ہو سکتا ہے کہ وہ کہنا چاہ رہے تھے کہ میں کورونا مثبت نہیں ہوں۔ لیکن پھر بھی انہوں نے ایسا کہا ہے تو ہم میڈیکل ٹیم بھیج دیتے ہیں۔'
