کروڑوں روپے کی نامعلوم آمدنی سرینڈر

ریاست چھتیس گڑھ کے بھٹاگاؤں شہر کے زیورات  تاجروں کے ٹھکانوں پر جاری کارروائی میں نئے انکشافات ہوئے ہیں۔ کروڑوں روپے کی غیر اعلانیہ آمدنی برآمد ہوئی ہے۔

بھٹاگاوں میں جیولری شاپ پر چھاپے میں صرافہ تاجروں نے 10 کروڑ 75 لاکھ کی نامعلوم رقم کو جمع کیا ہے۔ انکم ٹیکس ٹیم نے پچھلے 3 دن میں چار صرافہ تاجروں کے خلاف جن میں انمول جیولرز، لکشمی جیولرز ، گرودیو جیولرز اور ایلنکار جیولرز کے خلاف کارروائی کی ہے۔

تاجروں پر جاری کارروائی جمعرات کی رات ختم ہوئی۔ تین دن سے جاری اس کارروائی میں 20 افسران کی ایک ٹیم نے خرید فروخت کے ریکارڈ کی جانچ پڑتال کی۔ اس میں گڑبڑی پائی گئی۔ ریکارڈ کے ساتھ ساتھ ہی سبھی تاجروں کی دستاویزات کی بھی جانچ پڑتال کی گئی ہے۔

دستاویزات کی جانچ پڑتال کے بعد محکمہ انکم ٹیکس کی ٹیم نے ٹیکس چوری کا امکان ظاہر کیا ہے۔

تفتیش کے بعد تاجروں نے کروڑوں روپے کی نامعلوم آمدنی سرینڈر کیا ہے۔