ریاست چھتیس گڑھ کے ضلع کانکیر کے بڑگاؤں علاقے میں ایک 17 برس کے لڑکے کی جانب سے لوگوں کو بیدار کرنے کی ایک تصویر سامنے آئی ہے، جہاں بارہویں کلاس میں پڑھنے والے سوربھ بڑھئی نے عوام کو کوروناوائرس سے بچانے کے لیے ایک ماسک بنایا ہے، تاکہ لوگ اس وبا سے اپنے آپ کو محفوظ رکھ سکیں۔
واضح رہے کہ ملک گیر پیمانے پر کورونا وائرس سے افراتفری کا ماحول ہے، وہیں جان لیوا اس وبا سے بچنے کے لیے بنے ماسک اور ہینڈ واش کی کمی سے پورا ملک جوجھ رہا ہے، عالم یہ ہے کہ عوام تو دور ڈاکٹرز کے پاس بھی یہ سامان مہیا نہیں۔
چھتیس گڑھ حکومت نے ریاست میں بغیر ماسک لگائے نکلنے کی ایڈوائزری جاری کردی ہے، لیکن زیادہ تر مقامات پر ماسک اور سینیٹائیزر مہیا نہیں ہیں۔
واضح رہے کہ سوربھ نے اب تک 100 سے زائد ماسک بنائے ہیں، سوربھ نے لوگوں سے درخواست کی ہے کہ اگر بہت اہم ہو تو وہ ماسک پہن کر ہی گھر سے نکلیں۔
