میونسپل کمیٹی چرار شریف میں سینیٹائزیشن پروگرام

اس موقع پر سینیٹائزیشن وارئیرز جنہوں نے کوروناوائرس وبا کے دوران اپنے فرض کو محنت اور لگن سے انجام دیا کو اعزازات سے نوازا گیا۔

وسطی کشمیر کے ضلع بڈگام میں آج میونسپل کمیٹی چرارشریف نے قصبے میں ایک سینیٹائزیشن جانکاری پروگرام کا اہتمام کیا۔ اس پروگرام کا مقصد قصبے کے لوگوں میں سینیٹائزیشن کی جانکاری دینا اور اس پر عمل کرنا تھا۔

اس موقع پر میونسپل کمیٹی چرارشریف نے قصبے کے افراد میں کوڈہ دان تقسیم کئے۔ تاکہ میونسپل کمیٹی کے لئے صاف صفائی رکھنا آسان ہو جائے۔ اس کا مقصد قصبے کو گندگی سے صاف و پاک رکھنا ہے۔ وہیں پر ان سروسز کے عوض میونسپل کمیٹی چرارشریف ہر کنبہ سے ماہانہ 100 روپے بطور فیس وصول کرے گی۔

اس پروگرام میں عوام و آفسران کے سامنے ایک ملٹی پرپز فیومیگیشن ٹریکٹر کو قصبے کے لوگوں کے خاطر وقف کیا گیا تاکہ قصبے میں کووڈ-19 کو روکنے کے لئے فیومیگیشن کی جائے۔ بعد ازاں اس موقع پر سینیٹائزیشن وارئیرز جنہوں نے کوروناوائرس وبا کے دوران اپنے فرض کو محنت اور لگن سے انجام دیا کو اعزازات سے نوازا گیا۔اس موقع پر ایس ڈی ایم چاڈورہ، ڈی ایس پی، ایس ایچ او، صدر اور ایگزیکٹو آفیسر ایم سی چرارشریف کے علاوہ قصبے کے لوگ بھی موجود تھے۔