احتجاج کے دوران لوگوں نے محکمہ بجلی کے خلاف جم کر نعرے بازی کی۔
خان صاحب کے لوگوں نے محکمہ بجلی کے خلاف احتجاج کیا
مقامی لوگوں کا الزام ہے کہ ان کی ماہانہ بجلی فیس 107 روپے سے بڑھا کر 265 کر دی گئی ہے۔
احتجاج میں شامل لوگوں نے کہا کہ اںہوں نے اس معاملے کو کئی بارمتعلقہ محکمے کے سامنے اٹھایا لیکن ابھی تک اس مسئلہ کو حل نہیں کیا گیا۔
مظاہرین نے کہا کہ وہ اپنے مال مویشی کو لے کر 6 مہینے جنگلوں میں ہوتے ہیں اور جب اپنے گھروں کا رخ کرتے ہیں تب سرما شروع ہوا ہوتا ہے اور سرما میں پورے وادی میں بجلی نا کے برابر ہوتی ہے۔ لہذا ہم متعلقہ حکام اور اعلیٰ افسران سے اپیل کرتے ہیں کہ ہماری فیس کے اضافے کو ختم کرکے پہلے سے طے شدہ فیس ہم سے وصول کی جائے۔
مظاہرین نے کہا کہ اگر ہمارے مطالبے کو پورا نہیں کیا گیا تو ہم احتجاج میں مزید شدت لائیں گے، جس کے ذمہ دار محکمہ بجلی اور ڈی سی بڈگام ہوں گے۔
