مرکزی کشمیر کے بڈگام ضلع میں پولیس نے کنیر چاڈورہ میں ناکہ چیکنگ کے دوران ایک گاڑی کو روکا، جس میں تین افراد سوار تھے، مذکورہ گاڑی کی تلاشی کے دوران، پولیس نے 56 لاگس 14-Cft (کایرو) کے غیرقانونی لکڑی برآمد کی جس کے بعد پولیس نے تینوں افراد کو موقع پر ہی گرفتار کر لیا اور اس جرم کو انجام دینے کے لیے استعمال ہونے والی گاڑی کو بھی ضبط کر لیا گیا ہے۔
پولیس نے اس ضبط شدہ گاڑی کا رجسٹریشن نمبر DL3CAL-3727 بتایا ہے۔ اور وہی گرفتار شدہ افراد کی شناخت فیاض احمد میر (ڈرائیور) ولد غلام قادر میر اور جہانگیر فیاض میر ولد فیاض احمد میر اور رئیس احمد راتھر ولد نذیر احمد راتھر ہیں اور یہ تمام رہائشی کنیر چاڈورہ کے رہنے والے ہیں۔ اس ضمن میں ایک مقدمہ ایف آئی آر زیر نمبر 51/2023 جو کہ قانون کی متعلقہ دفعات کے تحت پولیس اسٹیشن چاڈورہ میں درج کرکے تفتیش شروع کردی گئی۔واضح رہے کہ چند روز قبل بڈگام پولیس نے ضلع کے کھاگ علاقے سے غیرقانونی لکڑی کے 93 سوانز (دیوار اور کایرو) 35 Cft ضبط کر لی گئی تھی۔
مزید پڑھیں:Safe Ayesha Campaign ہم نہیں چاہتے کوئی لڑکی عائشہ بنے، لیاقت علی کی کسک
واضح رہے کہ اس قبل بھی کئی علاقوں سے لکڑی کی اسمگلنگ کے واقعات پیش آچکے ہیں۔ حال ہی میں بانڈی پورہ سے بھی ایک زخص کو گرفتار کیاگیا تھا جو لکڑی کی اسمگلنگ کر رہا تھا۔بتایا گیا تھا کہ وہ شخص کئی سالوں سے اسمگلنگ کا کام انجام دے رہا تھا۔
