وسطی کشمیر کے ضلع بڈگام میں بدھ کو جرنلسٹ ایسوسیشن بڈگام کے لئے انتخابات منعقد کئے گئے جس میں توقیر گنائ صدر، نویدالحق نائب صدر، عارف بشیر وانی جنرل سیکریٹری اور محمد افضل بھٹ خزانچی منتخب ہوئے۔
الیکشن انچارج جی ایم راتھر نے بتایا کہ ضلع بڈگام میں پہلی مرتبہ صحافیوں کی ایسوسی ایشن کے لیے انتخابات منعقد کیے گئے۔
انہوں نے کہا کہ انتخابات صاف وشفاف طریقے سے انجام پذیر ہوئے جس میں مختلف میڈیا اداروں سے وابستہ صحافیوں اور نامہ نگاروں نے اپنے ووٹ کا استعمال کیا۔
انہوں نے مزید کہا کہ انتخابات میں چالیس سے زائد صحافیوں نے حصہ لیا۔
اس موقع پر نو منتخب صدر توقیر گنائی نے ضلع میں صحافیوں کو در پیش مشکلات کا ازالہ کرنے کے عزم کا اظہار کرتے ہوئے کہا: ’’نو منتخب ایسوسی ایشن صحافیوں کی فلاح و بہبود کی وعدہ بند ہے۔‘‘
قابل ذکر ہے کہ ضلع بڈگام میں پہلی بار بڈگام جرنلسٹس ایسوسیشن کے انتخابات عمل میں لائے گئے اور آزادانہ طریقے سے ایسوسیشن کا انتخاب عمل میں لایا گیا۔ انتخابات میں ووٹنگ کی شرح سو فیصد رہی۔
