بڈگام انتظامیہ کا کورونا مخالف انفراسٹرکچر، کتنی حقیقت، کتنا فسانہ؟

ضلع بڈگام کے ہاؤسنگ کالونی اومپورہ میں چند روز قبل ایک ہی کبنہ کے چھ افراد کورونا پازیٹیو پائے گئے لیکن آج تک انتظامیہ کی جانب سے اس علاقے میں کوئی خاطر خواہ انتظامات نہیں کیے گئے ہیں۔

جموں و کشمیر انتظامیہ کا دعویٰ ہے کہ کورونا مریضوں کے علاج کے لیے درکار انفراسٹرکچر کی کوئی کمی نہیں ہے، تاہم چند علاقوں سے ایسی خبریں موصول ہو رہی ہیں جہاں کورونا مریضوں کے لیے معقول انتظامات نہیں کیے گئے ہیں۔ ضلع بڈگام کے ہاؤسنگ کالونی اومپورہ میں چند روز قبل ایک ہی کبنہ کے چھ افراد کورونا پازیٹیو پائے گئے لیکن آج تک انتظامیہ کی جانب سے اس علاقے میں کوئی خاطر خواہ انتظامات نہیں کیے گئے ہیں۔

انتظامیہ نے علاقے کو مائکرو کنٹینمنٹ زون قرار دیا ہے۔ اگرچہ انتظامیہ کا کہنا ہے کہ جس علاقے کو مائکرو کنٹینمنٹ زون قرار دیا جاتا ہے، وہاں پر ماس سیمپلنگ کی جاتی ہے لیکن ابھی تک ہاؤسنگ کالونی اومپورہ میں ایسا کچھ بھی دیکھنے کو نہیں ملاہے۔