وسطی کشمیر کے ضلع بڈگام میونسپل کونسل کے جانب سے بڈگام ٹاؤن کو خوبصورت بنانے کا کام شروع کیا گیا۔ ضلع کو خوبصورت بنانے کے لیے پلوں کو رنگین اور قصبے میں جگہ جگہ ایل ای ڈی سکرین لگائے جا رہے ہیںMunicipality Started Beautification Works In Budgam town
بڈگام کو 1979 میں ضلع کا درجہ حاصل ہوا مگر بدقسمتی سے بڈگام قصبہ کی حالت ایک دیہی گاؤں سے بھی بدتر ہے۔ جموں و کشمیر انتظامیہ نے ہمیشہ اس ضلع کو نظر انداز کیا اور سیاست دانوں نے ہمیشہ ووٹ بینک کے نظر سے دیکھا۔
وادی کے دیگر اضلاع کے مقابلے میں اگر ہم بڈگام ضلع کی بات کرئے تو ترقی میں سب سے آخر اس ضلع کا نام آتا ہے حالانکہ بڈگام، جموں و کشمیر کی گرمائی دارلحکومت سرینگر سے صرف 10 کلومیٹر کی دوری پر واقع ہے۔ضلع بنے کے 43 سال بعد اب انتظامیہ نے بڈگام قصبہ کو خوبصورت بنانے کے کاموں کا آغاز کر دیا اور اب دیکھنا ہوگا کہ ضلع میں کتنے ترقیاتی کام کیے جائے گئے۔
ای ٹی وی بھارت سے بات کرتے ہوئے میونسپل کونسل بڈگام کے صدر معراج الدین نے کہا کہ ہم نے بڈگام قصبے کی خوبصورتی اس کے داخلی مقامات سے شروع کر دی ہے اور ہماری توجہ پلوں، بس یارڈز اور پبلک پارکس پر مرکوز رہے گی۔
انہوں نے مزید کہا کہ قصبہ کے لوگوں کو چاہیے کہ وہ اپنے قصبہ کو سجانے کے لیے میونسپل کونسل بڈگام سے تعاون کریں۔ انہوں نے عوام سے کہا کہ اپنے گھروں کو خوبصورت بنانے کے ساتھ ساتھ قصبے کو نھی خوبصورت بنانے کی کوشش کرئے ۔
