جھارکھنڈ: پلامو میں مطلوب نکسلی گرفتار

جھارکھنڈ کے پلامو ضلع میں ہریہر گنج تھانہ علاقہ سے پولیس اور مرکزی ریزرو پولیس فورس ( سی آر پی ایف ) کی مشترکہ مہم میں مطلوب نکسلی نول یادو کو گرفتار کرلیا گیا ہے۔

پولیس ذرائع کے مطابق انھیں اطلاع ملی تھی کہ نکسلی کمانڈر مرتنجے بھوئیاں دستے کانکسلی نول یادو کوہریہر گنج تھانہ علاقہ میں دیکھا گیا ہے۔

اس اطلاع کی بنیاد پر کی گئی فوری کاروائی میں نول کو گرفتار کرلیاگیا ہے۔

ذرائع نے بتایا کہ گرفتار نکسلی سے تفتیش کی جارہی ہے ۔ نول کے خلاف ضلع کے مختلف تھانوں میں متعدد معاملات درج ہیں۔