اس موسم میں مکہ، گیہوں، ارہر اور گرما دھان کی کھیتی یہاں خصوصی طور پر کی جاتی ہے۔
ان فصلوں کے لئے پانی بیحد ضروری ہے، ایسے میں بن موسم برسات کو کسان خدا کی رحمت کے طور پر دیکھ رہے ہیں۔
یہ معلوم کئے جانے پر کہ کیا حکومت کی جانب سے کسانوں کو کسی طرح کی کوئی مدد دی جاتی ہے تو اس پر شہباز کسان نے کہا کہ نہیں ہمیں آج تک حکومت کی جانب سے کسی طرح کی کوئی مدد نہیں ملی ہے.
فصلوں میں پانی کے لئے حکومت کی جانب سے ملنے والے موٹر پمپ کے بارے میں پوچھا گیا تو انہوں نے کہا کہ یہاں پانی کی سہولت کے لئے حکومت کی جانب سے کوئی انتظام نہیں ہے۔
ان کا مزید کہنا تھا کہ کسان یا تو قدرت کے بھروسے بیٹھے رہتے ہیں یا پھر کرائے کے پمپ سے پانی پٹانے کا کام کرتے ہیں۔
وہیں دوسرے کسان شکیل احمد نے کہا کہ یقیناً یہ بارش فصلوں کے لئے کافی مفید ہے لیکن افسوس بہار کی نتیش سرکار کسانوں کے ساتھ سوتیلا سلوک کر رہی ہے، سرکار کے غیر سنجیدہ سلوک سے آج کسان خودکشی کرنے پر مجبور ہو رہے ہیں۔
