ٹرک اور آٹو کی ٹکر سے پانچ افراد ہلاک، دو زخمی

بہار میں مظفر پور ضلع کے اهيا پور تھانہ علاقے میں ٹرک اور آٹو رکشہ کے مابین ہوئی ٹکر سے ایک ہی کنبے کے چار افراد سمیت پانچ افراد کی موت ہو گئی اور دو دیگر زخمی ہو گئے۔

پولیس ذرائع نے آج یہاں بتایا کہ 'آٹو رکشہ پر سوار لوگ گزشتہ دیر رات جا رہے تھے کہ دادر پل کے نزدیک تیز رفتار ٹرک نے آٹو رکشہ میں ٹکر مار دی۔

اس حادثے میں آٹو رکشہ پر سوار پانچ افراد کی موت ہو گئی جبکہ دو دیگر زخمی ہو گئے۔

حادثے کے بعد ڈرائیور ٹرک چھوڑ کر فرار ہو گیا۔

ذرائع نے بتایا کہ 'مہلوکین کی شناخت ضلع کے هتھوڑي تھانہ علاقہ کے سهلابلي گاؤں کے رہنے والے دھرم ویر پاسوان اس کی اہلیہ رنجو دیوی، دو بیٹے برجو کمار اورسجن عرف ساجن کے طور پر کی گئی ہے۔ ایک دیگر مہلوک کی شناخت ابھی نہیں ہو سکی ۔

اس حادثے میں شدید زخمی دھرم ویر پاسوان کی دو بیٹاں مادھوي اور سونی کو شری کرشن میڈیکل کالج واسپتال میں داخل کرایا گیا ہے۔

لاشوں کو پوسٹ مارٹم کے لئے بھیج دیا گیا ہے۔