بھارت چین سرحد پر حالیہ کشیدگی اور سرحد پرجھڑپ میں فوجیوں کی ہلاکت پر بہار کے حزب اختلاف کے رہنما تیجسوی یادو نے کہا کہ 'بھارتی فوج ہر طرح کے حملوں کا جواب دینے کی صلاحیت رکھتی ہے۔'
انہوں نے کہا کہ 'ہمیں بھارتی فوج پر فخر ہے۔'
تیجسوی یادو نے بھارت چین سرحد پر تناؤ کے معاملے میں کہا کہ ایسے وقت میں فوج ہی صحیح فیصلہ لے سکتی ہے۔ ہم فوج کے ہر فیصلے کے ساتھ کھڑے ہیں۔'
اس موقع پر انہوں نے سوشانت سنگھ راجپوت کی موت پر بھی رد عمل کا اظہار کیا۔
تیجسوی نے سشانت سنگھ راجپوت کی موت پر غم کا اظہار کرتے ہوئے کہا کہ 'اداکار کی موت نے ہم سب کو تکلیف دی ہے۔ اگر ان کا کنبہ چاہتا ہے تو پھر اس معاملے کی تفتیش ہونی چاہئے۔'
واضح رہے کہ 'تیجسوی منگل کو آر جے ڈی آفس میں منعقدہ ایک تقریب میں شرکت کے لئے آئے تھے، جہاں تیجسوی یادو نے کچھ رہنماؤں کو پارٹی کی رکنیت دلائی ۔'
