بہار میں سارن ضلع کے گڑکھا تھانہ علاقہ میں جمعرات کو کار کی زد میں آنے سے ایک طالب علم کی موت ہوگئی ۔
پولیس ذرائع نے بتایا کہ دریا پور تھانہ علاقہ کے دھنوتی گاﺅں کے رہنے والے گوتم پنڈت کا 18 سالہ بیٹا بٹو کمار اپنے گھر سے چھپرہ شہر کے راجپوت ہائی اسکول میں انگریزی امتحان دینے کے لیے موٹر سائیکل سے جارہا تھا ۔ اسی دوران الونی گاﺅں کے نزدیک نیشنل ہائی وے نمبر 722 پر مخالف سمت سے آرہی ایک کار نے اس کے موٹر سائیکل میں ٹکر مار دی۔ اس حادثے میں بٹو کمار کی موقع پر ہی موت ہوگئی ۔
ذرائع نے بتایا کہ مقامی لوگوں نے کار کا تعاقب کرتے ہوئے ڈرائیور کو پکڑکر جم کر اس کی پیٹائی کردی ۔ حادثے کی اطلاع ملنے کے بعد موقع پر پہنچی پولیس نے ڈرائیور کا ابتدائی علاج نزدیکی ہیلتھ مرکز میں کرانے کے بعد اسے حراست میں لے لیا ہے ۔ پولیس نے لاش پوسٹ مارٹم کیلئے چھپرہ اسپتال بھیج دیا ہے ۔ اس معاملے میں پولیس نے ایف آئی آر درج کر کے تفتیش شروع کر دی ہے ۔
