کیمور: پولیس نے بھاری مقدار میں شراب برآمد کی

بہار کے ضلع کیمور میں شراب برآمد ہونے کا سلسلہ رک نہیں رہا ہے۔ اترپردیش سے پہلے سے بھاری مقدار میں شراب کیمور آرہی ہے اور گھر گھر ضرورت مندوں تک پہنچ رہی ہے۔

ریاست بہار کے ضلع کیمور کی پولیس اور محکمہ آبکاری کے سخت چوکسی کے باوجود لاکھوں کی شراب ضبط کی گئی ہے ساتھ ہی پولیس نے دو لوگوں کو گرفتار کیا ہے۔

تازہ جانکاری کے مطابق موہنیاں پولیس نے قومی شاہراہ پر جانچ کے دوران ضلع روہتاس کے کوچس باشندہ نیلیش کمار چودھری کو شراب کے ساتھ پکڑ لیا جبکہ دوسرا ساتھی فرار ہونے میں کامیاب رہا۔ ان لوگوں کے پاس سے بھاری مقدار میں شراب برآمد کی گئی ہے۔
پولیس اس معاملے کی جانچ پڑتال کر رہی ہے۔