شہر گیا میں روڈ ریج کا معاملہ ایک بار پھر سامنے آیا ہے۔ جہاں آٹو اور کار کے درمیان تصادم کے بعد کار ڈرائیور نے آٹو ڈرائیور کو گولی مار کر ہلاک کردیا۔
واقعہ کی اطلاع ملنے کے بعد مقامی پولیس جائے وقوع پر پہنچ کر زخمی آٹو ڈرائیور کو اسپتال پہنچایا جہاں ڈاکٹروں نے اسے مردہ قرار دے دیا۔
لاش کو پوسٹ مارٹم کے لیے انوگرہ نارائن مگدھ میڈیکل کالج بھیج دیا گیا ہے۔ہلاک شدہ آٹو ڈرائیور کی شناخت کوتوالی تھانہ حلقہ کے روی کمار کے طور پر ہوئی ہے۔
اطلاع کے مطابق ایک لکژری گاڑی اور آٹو نادرہ گنج محلے سے آگے پیچھے ہوکر گزررہے تھے تبھی آٹو لکژری کار سے جا ٹکرایا جس کے بعد کار ڈرائیور نے اتر کر آتو ڈرائیور کو پہلے پیٹا اور پھر اس کے بعد اسے گولی مار کر فرار ہوگیا۔
آٹو ڈرائیور کے قتل سے ناراض آٹو ڈرائیور یونین ہڑتال پر چلی گئی ہے۔ اہم شاہراہ سمیت ریلوے اسٹیشن ، سکریہ موڑ بس اسٹیشن وغیرہ پر سناٹا چھایا ہوا ہے۔ شہر میں ایک بھی آٹو نہیں چل رہے ہیں جس سے عام مسافروں کو کافی مشکلات کا سامنا کرنا پڑرہا ہے۔
