بہار کے وزیر اعلی نتیش کمار نے قانون ساز کونسل کے سابق چیئرمین، پروفیسر ارون کمار کے انتقال پر تعزیت کا اظہار کیا۔
جمعرات کو کمار نے اپنے تعزیتی پیغام میں کہا کہ پروفیسر کمار ایک ہنر مند سیاست دان اور مشہور سماجی مصلح تھے۔ وہ 5 جولائی 1984 سے 3 اکتوبر 1986 تک بہار قانون ساز کونسل کے چیئرمین رہے۔
اس کے بعد وہ 16 اپریل 2006 سے 4 اگست 2009 تک قانون ساز کونسل کے ایگزیکٹو چیئرمین بھی رہے۔ ان کی موت سے سیاسی اور سماجی میدان میں ناقابل تلافی نقصان ہوا ہے۔
وزیر اعلی نے آنجہانی ارون کمار کے بیٹے سے ٹیلیفون پر بات کی اور ان سے تعزیت کی۔ پروفیسر ارون کمار کی سرکاری احترام کے ساتھ آخری رسوم ادا کی جائیں گی۔
کمار نے اس غم کی گھڑی میں خدا سے دعا کی ہے کہ وہ مرحوم کی روح کے ابدی سکون اور ان کے اہل خانہ کو صبر دے۔
