کولگام میں عسکریت پسند کا ساتھی گرفتار، اسلحہ اور گولہ بارود بھی ضبط کیا گیا

کولگام میں عسکریت پسند کے معاون کو گرفتار کیا گیا ہے۔ اس کے پاس سے اسلحہ اور گولہ بارود کا بڑا ذخیرہ برآمد کیا گیا۔

کولگام (اشفاق احمد میر): سیکورٹی فورسز نے جنوبی کشمیر کے کولگام ضلع میں تلاشی مہم کے دوران ایک اوور گراؤنڈ ورکر (او جی ڈبلیو) کو گرفتار کیا ہے۔ سیکورٹی فورسز نے اس کے پاس سے بھاری مقدار میں اسلحہ اور گولہ بارود برآمد کیا ہے۔

ذرائع کے مطابق یہ بازیابی کولگام ضلع کے ٹھوکر پورہ محلہ سے کی گئی ہے۔ گرفتار شخص کی شناخت عبید خورشید کے طور پر کی گئی ہے جو کولگام کے ٹھوکر پورہ کا رہنے والا ہے۔

مخصوص انٹیلی جنس ان پٹ کی بنیاد پر قائموہ کے ٹھوکر پورہ محلہ میں فوج اور جموں کشمیر پولیس کی طرف سے ایک مشترکہ محاصرہ اور تلاشی آپریشن شروع کیا گیا۔

تلاشی کے دوران، ایک مشتبہ شخص کو ایک اے کے 47 رائفل، چار اے کے 47 کے میگزین، اے کے 47 کے 120 راؤنڈز، دو ہینڈ گرنیڈز اور دیگر جنگی سامان کی برآمدگی کے ساتھ گرفتار کیا گیا ہے۔

پولیس اس معاملے میں مزید تفتیش کر رہی ہے۔