پولیس ذرائع نے بتایا کہ بہما گاﺅں باشندہ گریجویٹ پاس طالب علم وکاس کمار نے اپنے کمرے کی چھت کے ہک سے لٹک کر خود کشی کرلی۔
خودکشی کی وجہ عشق و محبت بتائی جارہی ہے۔ متوفی طالب علم دو دن قبل جب اپنی معشوقہ سے ملنے اس کے گھر گیا تھا وہاں اس کی پٹائی کی گئی تھی۔ بعد میں متوفی کے سرپرست نے اسے سخت ڈانٹ پلائی تھی۔
آج جب کنبہ کے سبھی لوگ کھیت میں کام کرنے گئے تبھی نوجوان نے اپنے کمرے کی چھت کے ہک سے رسی کی مدد سے لٹک کر خودکشی کرلی۔
ذرائع نے بتایا کہ لاش پوسٹ مارٹم کیلئے بھیج دی گئی ہے۔ پولیس معاملے کی تفتیش کررہی ہے۔
