دراصل ریاست بہار کے ضلع کیمور کے سیربٹ گاؤں میں آسمانی بجلی گرنے سے متھو رام کی اہلیہ کی موت ہوگئی تھی۔
ریاستی اقلیتی وزیر محمد زماں خان نے میڈیا کو بتایا کہ سربیٹ گاؤں چین پور اسمبلی حلقہ کے تحت آتا ہے ۔جہاں گذشتہ روز متھو رام کی 60 سالہ اہلیہ کی موت آسمانی بجلی گرنے کی وجہ سے ہوئی تھی۔
انہوں نے کہا کہ مذکورہ خاندان انتہائی غریب ہے۔ متاثرہ خاندان سے ملاقات کرنے اور انہیں مالی امدادا دینے کے لئے وہ یہاں آئے ہیں۔
انہوں نے کہا کہ اسٹیٹ ڈیزاسٹر فنڈ کے قواعد کے مطابق ڈیزاسٹر مینجمنٹ ڈیپارٹمنٹ کی جانب سے امداد کے طور پر 4 لاکھ روپے مہلوک کے خاندان کو دیا گیا ہے ۔ اوردیگر ضروری سہولیات بھی مہیا کی جائیں گی۔
مزید پڑھیں :چامراج نگر سانحہ میں فوت 36 افراد کے خاندان کو معاوضہ دینے کا مطالبہ
اس موقع پر چین پور کے سرکل آفیسر اور دیگر بلاک سطح کے عہدیدار موجود تھے۔
