ریاست بہار میں برسر اقتدار جماعت کے قانون ساز کونسل رکن اور جے ڈی یو اقلیتی سیل کے صدر تنویر اختر نے پھلواری شریف میں شہریت ترمیمی قانون کے خلاف ہوئے پر تشدد مظاہرے پر کہا کہ 'جن افراد نے بھی وہاں تشدد کیا ہے یا وہ کسی بھی مشتبہ سرگرمی میں ملوث پائے جائیں گے انھیں بخشا نہیں جائے گا، چاہے وہ کسی بھی جماعت یا پارٹی یا کسی بھی طبقہ سے تعلق رکھتے ہوں'۔
تنویر اختر نے ایک سوال کے جواب میں کہا کہ 'مزدور طبقہ کے کچھ نوجوان تھے جنہیں گولی لگی ہے یہ گولی کہاں سے چلی ابھی اس کی تحقیقات چل رہی ہے پولیس اپنے طریقے سے کام کر رہی ہے۔
جب ان سے پوچھا گیا کہ بجرنگ دل اور آر ایس ایس کے نوجوانوں نے مظاہرین پر حملہ کیا تو انہوں نے واضح طور پر کچھ نہ کہتے ہوئے کہا کہ جو لوگ بھی اس میں ملوث ہوں گے ان پر سخت کارروائی کی جائے گی۔
واضح رہے کہ گزشتہ 21 دسمبر کو پھلواری شریف میں شہریت ترمیمی قانون کے خلاف بہار بند کے دوران مظاہرین پر پھلواری شریف قومی شاہراہ 98 آس پاس سے سیکڑوں کی تعداد میں کچھ نوجوان نکل کر آئے اور ان لوگوں نے مظاہرین پر پتھر پھینکنا شروع کیا اسی دوران کسی نے مظاہرین پر گولی چلائی جس کی وجہ سے نو افراد شدید طور پر زخمی ہوئے تھے ان تمام زخمیوں کا علاج پٹنہ ایمس میں چل رہا ہے۔
