نوجوان کی کرتوت سی سی ٹی وی میں ہوئی قید

دیر شام اس وقت دہشت کا ماحول پیدا ہو گیا جب ایک نوجوان کو اپنے ہاتھ میں پستول لے کر دوڑتے ہوئے لوگوں نے دیکھا۔ کچھ ہی دیر کے بعد فائرنگ کی آواز سے پورے محلے میں سنسنی پھیل گئی۔

ریاست بہار کے دربھنگہ میں پستول لے کر سڑک پر دوڑتے ہوئے نوجوان کی کرتوت سی سی ٹی وی میں قید ہو گئی ہے۔

دربھنگہ ضلع کے نگر تھانہ علاقے کے شیواجی نگر محلہ میں دیر شام اس وقت دہشت کا ماحول پیدا ہو گیا جب لوگوں نے ایک نوجوان کو پستول لے کر دوڑتے ہوئے دیکھا۔ کچھ ہی دیر کے بعد فائرنگ کی آواز سے پورے محلے میں سنسنی پھیل گئی۔ یہ سارا واقعہ سی سی ٹی وی میں قید ہو گیا۔

اطلاعات کے مطابق 'سیواجی نگر محلے میں گزشتہ دنوں شراب کے تجارت کو لے کر ہوئے جھگڑے میں ضلع کے ایس سی ایس ٹی تھانہ میں مقدمہ درج کرایا گیا تھا جس مقدمہ کو واپس لینے کے دباؤ کی غرض سے ملزمان کی طرف سے اس فائرنگ کو انجام دیا گیا۔'

اس واقعہ کے بعد پولیس کی دبش بڑھی تو ملزم ساجن کمار سہنی نے نگر تھانہ میں جاکر خود سپردگی کر دی۔

چشمدید سنتوش اور کرن دیوی نے بتایا کہ 'ملزم ساجن سہنی نے فائرنگ کی ہے جس کا سی سی ٹی وی فوٹیج بھی سامنے آیا ہے، گولی کا خوکھا بھی نگر تھانہ کو دیتے ہوئے معاملہ درج کرایا گیا ہے-

سنتوش سہنی نے کہا کہ 'جب وہ اپنے گھر پر نہیں تھا تب اسی وقت ساجن سہنی نے اس کے گھر کے باہر فائرنگ کر بھاگ گیا۔ جب میں گھر آیا تو وہ دوبارا میرے گھر آگیا اور بحث کرنے لگا اور مجھ پر پستول دکھایا پھر وقت پر میری بیوی نے اپنے ہاتھ سے اس کے پستول پر ہاتھ مارا جس سے اس کا نشانہ چوک گیا ورنہ گولی مجھے لگ جاتی۔'

وہیں گرفتار ساجن سہنی نے پولس کو بتایا کہ 'شراب تسکری کو لے کر جھگڑا کے بعد اس کے اوپر ایس سی ایس ٹی تھانہ میں مقدمہ 20/2020 درج کرادیا گیا ہے۔

وہیں اس پورے واقعہ پر دربھنگہ پولیس نے جانچ کرنے کی بات کہتے ہوئے کیمرے پر کچھ بھی بولنے سے انکار کر دیا ہے۔