ریاست بہار کے ضلع گیا پٹنہ ریلوے سیکشن کے نعمت پور ہالٹ گاؤں کے سامنے ریلوے ٹریک کے کنارے پر جمعہ کی شام ایک پینتیس سالہ نوجوان کی لاش ملی، جس کے بعد مقامی لوگوں نے اس کی اطلاع بیلا گنج تھانہ کو دی لیکن بیلا گنج تھانہ کی پولیس نے لاش کو اپنے قبضے میں نہیں لیا۔ کیونکہ جس جگہ پر لاش ملی ہے وہ جی آر پی تھانہ جہان آباد کے دائرہ اختیار میں ہے۔ Youth dies after falling off running train
اطلاع کے مطابق دیر سے پہنچی جی آر پی پولیس نے لاش کو اپنے قبضے میں لے لیا ہے، جی آر پی نے بتایا کہ متوفی نے نیلے رنگ کی جینز اور ٹی شرٹ پہن رکھی ہے، مرنے والے کی شناخت ابھی تک نہیں ہوسکی ہے۔ عینی شاہد لوگوں نے بتایا کہ نوجوان گیا سے پٹنہ جارہی میمو ٹرین سے گرا ہے جس سے اس کی موقع پر ہی موت ہوگئی، واضح رہے کہ سرحدی تنازع کی وجہ سے گھنٹوں لاش جائے حادثہ پر ہی پڑی رہتی ہے، نعمت پور ہالٹ پر اسی طرح کا معاملہ پیش آیا۔
مزید پڑھیں:مظفر نگر میں ٹرین سے گرکر نوجوان کی موت
