وزیر اعلی نتیش کمار کی زیرصدارت میں ایک انے مارگ میں واقع سنکلپ میں ویڈیو کانفرنسنگ کے ذریعے لاءاینڈ آرڈرسے متعلق اعلی سطحی جائزہ میٹنگ ہوئی۔
میٹنگ کے دوران ڈی جی پی مسٹر ایس کے سنگل نے نظم ونسق برقرار رکھنے کے لئے کئے جارہے کام کی تازہ ترین صورتحال سے آگاہ کیا۔
ایڈیشنل ڈائریکٹر جنرل پولیس پولیس ہیڈ کوارٹر مسٹر جتیندر کمار نے گذشتہ میٹنگ میں دی گئی ہدایات کی تعمیل کے بارے میں ایک تفصیلی پریزنٹیشن دیا۔
ایڈیشنل ڈائریکٹر جنرل پولیس اسپیشل برانچ مسٹر جے ایس گنگوار نے اسپیشل برانچ کے تحت ہونے والے کاموںکے بارے میں بتایا۔
جائزہ کے دوران وزیر اعلی نے ہدایت دیتے ہوئے کہا کہ زمین سے متعلق تنازعات کو ختم کرنے کے لئے مہینے میں ایک بارڈی ایم اور ایس پی، 15 دن میں ایک بارایس ڈی او اور ایس ڈی پی او اور ہفتہ میں ایک دن سرکل آفیسر اورتھانہ انچارج باقاعدہ میٹنگ کریں۔
ہفتے کے روز چوکیدارکی پریڈ ہونی چاہئے ، تاکہ وہ تھانے کو گاوں سے متعلقہ پریشانیوں سے آگاہ کرسکیں۔
۔ یواین آئی۔
