دربھنگہ: پولیس نے پیش کی عوام دوستی کی مثال

ملک بھر میں جاری لاک ڈاون کی وجہ سے عوام گھروں میں محصور رہنے پر مجبور ہیں ۔ اس دوران لاک ڈاون کے نفاذ کو موثر بنانے کے لئے پولیس سختی بھی برت رہی ہے۔ تو وہیں دوسری جانب ضرورت مندوں کی امداد کرکے انسانیت نوازی اورعوام دوستی کی مثالیں بھی پیش کر رہی ہے۔

ریاست بہار کے ضلع دربھنگہ کے ناکہ پانچ پولیس چوکی کے پولس عملہ نے ایک دفعہ پھر پولیس اور عوامی دوستی کی مثال قائم کی ہے۔

در اصل پولیس گشتی کے دوران ایک خاتون نے پولیس افسران کو اپنے کے گھر میں کھانے پینے کا سامان نہیں ہونے کے سلسلے میں فریاد کی تو پولیس نے فوری طور پر اس خاتون کو چاول ،25 کیلو آٹا، دس کیلو آلو ،دس کیلو دال، دو کیلو مسالہ بھی ان کے لڑکے راجا سہنی کی موجودگی میں پہنچا دیا، جس سے ان کے اہل خانہ کے خوشی کا ٹھکانہ نہیں رہا-