ریاست بہار کے ضلع گیا میں احتجاج پر بیٹھے معاہدہ پر بحال اساتذہ نے بودھ گیا راشٹریہ جنتا دل کے رکن اسمبلی کمار سروجیت کی رہائش گاہ کا محاصرہ کیا۔
دراصل معاہدہ پر بحال اساتذہ نے رکن اسمبلی کی رہائش گاہ پر اپنے مطالبات کو لے کر گھنٹوں حکومت کے خلاف نعرے بازی بھی کی۔
اساتذہ کامطالبہ ہے کہ 'حکومت انہیں مساوی کام کے بدلے مساوی تنخواہ کی ادائیگی کرے۔ اساتذہ نے ضلع کے اراکین اسمبلی کے گھروں کا محاصرہ کیا۔'
اساتذہ نے بتایا کہ انہوں نے اپنے مطالبات کے لئے بودھ گیا اسمبلی کے رکن اسمبلی کمار سروجیت سے بات کی ہے۔ اور وہ اپنے مطالبات کو اسمبلی میں اٹھانے کا مطالبہ رکن اسمبلی سے کررہے ہیں۔
اساتذہ یونین کے جنرل سکریٹری اجے کمار نے کہا کہ 'اپنے مطالبات کے لئے احتجاج کر رہے ہیں۔ ریاستی سطح پر اساتذہ اپنے اپنے حلقہ کے رکن اسمبلی کے گھروں کا محاصرہ کررہے ہیں۔'
انہوں نے کہا کہ 'رکن اسمبلی ہمارے نمائندہ ہیں اور ان سے یہی اپیل ہے کہ وہ اسمبلی میں پرزور طریقے سے ہماری آواز اٹھائیں۔ حزب اختلاف کی پارٹیوں کے رہنماوں کو بھی اساتذہ کا درد اور مسائل کو سمجھنا ہوگا۔ حکومت میں بیٹھے افراد انا میں ڈوبے ہوئے ہیں۔
انہوں نے کہا کہ 'جب تک ان کے مطالبات پورے نہیں ہونگے تب تک احتجاج جاری رہے گا۔'
