'کانگریس اپنی پکڑ مضبوط کرنے میں مصروف'

ریاست بہار کے ضلع گیا سمیت مگدھ کمشنری کے سبھی اضلاع پر کانگریس کی نگاہ ہے، 2020 اسمبلی انتخابات میں کانگریس اپنی پکڑ مضبوط کرناچاہتی ہے اسی کولیکر کانگریس کی دوروزہ میٹنگ گیا میں منعقد ہوئی ہے۔

پہلے دن کمشنری کے سبھی ضلع کے کانگریسی صدر اور دوسرے روز سبھی بلاک کے صدر کے ساتھ میٹنگ ہوگی ۔پہلے روز میٹنگ میں جو بات سامنے آئی اس میں سب سے اہم یہ کہ کانگریس اپنی کمیٹی کو بلاک سے لے کر اسمبلی حلقہ تک مضبوط کرے گی۔

کانگریس کا ابھی مگدھ کمشنری کی 26 اسمبلی حلقہ میں چار سیٹوں پر قبضہ ہے۔اس میں گیا کے وزیرگنج اسمبلی حلقہ سے اودھیش کمار سنگھ، اورنگ آباد اسمبلی حلقہ سے آنندشنکر، اورنگ آباد کے کٹمبا اسمبلی حلقے سے راجیش رام اور نوادہ ضلع کے گوند پور اسمبلی حلقہ سے پورنیمایادو رکن اسمبلی ہیں میٹنگ میں میں سبھی ضلع صدور سے کہا گیا کہ وہ اپنے اپنے علاقوں میں رکن اسمبلی کی تعداد بڑھانے کے لیے پوری تیاری کریں اس کے لئے وہ پارٹی کے سینئر رہنماوں سے تبادلہ خیال کرتے رہیں۔

انچارج وریندر سنگھ راٹھور نے کہاکہ کانگریس پوری مضبوطی کے ساتھ بہاراسمبلی انتخابات لڑے گی، موجودہ وقت میں سب سے اہم یہ ہے کہ بی جے پی جیسی فاسسٹ طاقت کوروکنا ہے۔

انہوں نے کہاکہ اتحاد میں جتنی سیٹیں طے ہونگی اس پر کانگریس پوری مضبوطی کے ساتھ لڑے گی۔بہار اسمبلی انتخابات کی تیاریوں میں کانگریس مصروف ہے اور کارکنان کو بھی اسکی ہدایت دی جارہی ہے۔