گیا میں نائب وزیراعلی رینو دیوی کے ہاتھوں ایک نجی ہسپتال کا افتتاح عمل میں آیا۔ اس موقع پرانھوں نے کہا کہ آج جس طرح سے بہار میں صحت کے شعبے میں پرائیویٹ خدمات انجام دی جارہی ہیں اس سے مریضوں کو دوسری ریاستوں کا رخ نہیں کرنا پڑرہاہے۔
بہار: نائب وزیراعلی رینو دیوی نے نجی ہسپتال کا افتتاح کیا
بہار حکومت نے ہیلتھ ڈپارٹمنٹ میں اصلاحات کیے ہیں یہی وجہ ہے کہ پہلے نجی ہسپتالوں کی تعداد جو چند تھی آج اسکی تعداد بڑھی اور یہ سب بہتر پالیسی کی وجہ سے ممکن ہوسکا۔
انہوں نے کہا نجی ہسپتالوں کو بھی سمجھنا ہوگا کہ خدمت ہی سب سے بڑا مذہب ہے۔ وزیراعظم نریندر مودی نے خدمت کرنے کا جذبہ پیدا کیا ہے۔ خدمت سے انسانیت کا پیغام جاتا ہے۔ وزیر اعظم نے ملک میں غریبوں وبے سہارا افراد کے علاج کے لیے پانچ لاکھ روپے کا انشورنس دیا ہے تاکہ غریب بھی بڑے ہسپتالوں میں علاج کراسکیں۔
