ریاست بہار میں کورونا کے پھیلنے کے پیش نظر اب حکومت نے آیوش ڈاکٹروں کو آئیسولیشن، علاج مرکز اور قرنطین مرکز میں خدمات لینے کا فیصلہ کیا ہے۔ تمام ضلع مجسٹریٹ، ریجنل ایڈیشنل ڈائریکٹرز اور چیف میڈیکل آفیسرز کو آیوش ڈاکٹر کی خدمات لینے کے حوالے سے ہدایات جاری کردی گئیں ہیں۔
محکمہ صحت کے پرنسپل سکریٹری سنجے کمار نے خط میں کہا ہے کہ یہ فیصلہ مرکزی حکومت کی سطح پر لیا گیا ہے۔ اس لیے آئیسولیشن، علاج مراکز اور تمام قرنطین مراکز میں آیوش ڈاکٹروں کی خدمات لینے کے لیے ایک روسٹر بنایا جانا چاہئے۔
پرنسپل سکریٹری سنجے کمار نے خط میں کہا ہے کہ 50 بیڈ والے مرکز میں ہر شفٹ میں 1 ڈاکٹر، 2 اے این ایم اور دیگر پارا میڈیکس ہوں گے۔ 50 سے 100 بیڈوں والے سنٹر میں ہر شفٹ میں 2 ڈاکٹر، 2 اے این ایم اور دیگر پارا میڈیکس ہوں گے، جبکہ 100 سے 200 بیڈ والے سینٹر میں ہر شفٹ 2 ڈاکٹر، 6 اے این ایم اور دیگر پارا میڈیکس تعینات رہیں گے۔
