بہار کے وزیراعلیٰ نتیش کمار نے ریاست میں ممکنہ سیلاب کے مد نظر متعلقہ محکموں سے آپس میں بہتر ربط بنا کر ہر طرح کی صورتحال سے نمٹنے کیلئے تیار رہنے کی ہدایت دی ہے ۔
مسٹر کمار نے آج سنکلپ میں ممکنہ سیلاب کی صورتحال سے نمٹنے کی تیاریوں کا جائزہ لیا۔ انہوں نے افسران سے ندیوں کے آبی سطح پر نظر بنائے رکھنے کے ساتھ ہی صورتحال پر نگرانی رکھنے کی ہدایت دی ۔
انہوں نے کہاکہ ” صبح وشام حالات کی نگرانی کرتے رہیں تاکہ کسی قسم کی ایمرجنسی کی صورتحال سے نمٹا جاسکے ۔ ندیوں میں ہورہے واٹر ڈسچارج پر نظر رکھیں۔ آبی وسائل محکمہ اور ڈیزاسٹر مینجمنٹ محکمہ ممکنہ تمام صورتحال کیلئے آپس میں ربط بنائے رکھیں۔
اس سے قبل اجلاس کے شروع ہونے پر آبی وسائل محکمہ کے ایڈیشنل چیف سکریٹری ارون کمار سنگھ نے ریاست میں اب تک ہوئے بار ش کا تناسب ، بہار اور نیپال میں ہورہی زبردست بارش سے ندیوں میں بڑھ رہے آبی سطح کی صورت حال سے متعلق تفصیلی معلومات دی ۔ وہیں ڈیزاسٹر مینجمنٹ کے پرنسپل سکریٹری پرتیہ امرت نے ممکنہ سیلاب کی صورت حال سے نمٹنے کیلئے کی جارہی تیاریوں کے بارے میں جانکاری دی ۔
اس اجلاس میں چیف سکریٹری دیپک کمار ، وزیراعلیٰ کے پرنسپل سکریٹری چنچل کمار ، وزیراعلیٰ کے سکریٹری انوپم کمار ، وزیر اعلیٰ کے خصوصی ایکزیکٹیو افسر گوپال سنگھ موجود تھے ۔
