ریاست بہار کے ضلع کیمور میں کورونا وائرس کے بڑھتے انفیکشن کو روکنے کے لئے انتظامیہ نے اسٹیشن جانے والے تمام راستوں کو سیل کرنے کا فیصلہ کیا ہے۔
دراصل بھبھوا روڈ جی آر پی میں ایک اے ایس آئی کو تین روز قبل کورونا مثبت پایا گیا ہے۔
نگر پنچایت کے ایگزیکٹو آفیسر نے بتایا کہ 'ڈی ایم، ایس پی اور دیگر عہدیداروں کی موجودگی میں بھبھوا روڈ اسٹیشن جانے والے تمام چھ راستوں کو سیل کردیا گیا۔ تمام راستوں پر فلیکس بورڈ لگایا جارہا ہے۔'
ڈی ایم نے جی آر پی اسٹیشن کو ہدایت کی ہے کہ مائیک سے اعلان کرا دیں کی لوگ اسٹیشن کی طرف بے وجہ نہ آٸیں۔
واضح رہے کہ جی آر پی پولیس اسٹیشن اور بیرک بھبھوا روڈ اسٹیشن کے پلیٹ فارم نمبر ون پر واقع ہے۔ جہاں جانے کے لۓ اسٹیشن کے دونوں طرف سے چھ راستے ہیں۔ اس میں اسٹیشن کی جنوبی نگر پنچایت کے وارڈ نمبر ایک، دو، آٹھ اور شمالی وارڈ نمبر تین اور چار شامل ہیں۔
