مدھے پورہ صدر تھانہ حلقہ کے دھورگاؤں، وارڈ نمبر۔ پانچ سے شراب کی ایک بڑی کھیپ کے ساتھ اکھل بھارتیہ ودیارتھی پریشد، مدھےپورہ کے ضلعی کنوینر ششی یادو کو محکمہ ایکسائز کی ٹیم نے گرفتار کیا ہے، اس کے ساتھ ہی مکیش یادو اور چھوٹو سردار کی بھی گرفتاری کی گئی ہے۔
اطلاع کے مطابق خفیہ اطلاع کی بنیاد پر مدھے پورہ محکمہ ایکسائز کی ٹیم نے 13 ستمبر (جمعہ) کو صدر تھانہ کے تحت دھورگاؤں کے وارڈ نمبر پانچ سے 131.25 لیٹر غیر ملکی شراب اور 110.5 لیٹر بیئر کے ساتھ ششی یادو ، مکیش یادو اور چھوٹو سردار کو گرفتار کرنے میں کامیابی حاصل کی ہے۔
شراب کی اسمگلنگ کے لیے استعمال ہونے والی دو گاڑی بھی ضبط کی ہے۔ جبکہ ڈرائیور فرار ہونے میں کامیاب ہوگیا۔ جس کی گرفتاری کے لئے چھاپہ ماری کی جاری ہے۔
سپرنٹنڈنٹ ایکسائز مدھے پورہ نے بتایا کہ 'محکمہ ایکسائز کی ٹیم نے مذکورہ تمام شراب اسمگلروں کو جمعہ کے روز رنگے ہاتھوں گرفتار کیا ہے۔ انہوں نے بتایا کہ اس معاملے میں ایکسائز ایکٹ کے تحت مقدمہ درج کرنے کے بعد سبھی کو جیل بھیج دیا گیا ہے۔'
