ریاست بہار کے ضلع ارریہ میں باورچی محمد صابر کھانا بنانے میں مصروف تھے تب ہی باورچی خانے میں سلینڈر کی ادلا بدلی کے دوران ایک سیلینڈر کی سیل ٹوٹ گئی اور باورچی خانے میں جل رہے دوسرے چولہے کی وجہ سے آگ بھڑک اٹھی۔
اچانک آگ لگنے کی وجہ سے وہاں موجود لوگوں میں افراتفری مچ گئی آگ اتنی شدید تھی کہ اس کی زد میں گھر کے 9 افراد آگئے اور وہ بری طرح سے جھلس گئے۔
متاثرین کو علاج کے لیے ارریہ صدر اسپتال لایا گیا جہاں ڈاکٹروں نے فوراً علاج شروع کردیا جھلسے لوگوں میں دو کی حالت نازک ہے۔
جھلسنے والوں میں چار بچیاں، تین خواتین اور دو آدمی شامل ہیں، اس تعلق سے ارریہ اسپتال کے ڈاکٹر جے این ماتھر نے بتایا کہ جن زخمیوں کی حالت نازک تھی انہیں کٹیہار میڈیکل کالج بھیج دیا گیا ہے باقی لوگوں کا علاج کیا جارہا ہے۔
شادی کے گھر میں اچانک سے آتشزدگی سے پورا گھر صدمے میں ہے۔
