بارہمولہ: جموں و کشمیر کے ضلع بارہمولہ کے سرحدی قصبہ اوڑی کے رہنے والے دو نوجوانوں نے دیش بھکتی پر ایک نغمہ ریلیز کیا ہے ۔ ایچ ڈی ایم اوڑی نے مقامی لوگوں کی موجودگی میں اس گیت کو ریلیز کیا۔
اطلاعات کے مطابق ضلع بارہمولہ کے سرحدی قصبہ اوڑی میں امن و امان کلچرل کلب اور پہاڑی یوتھ آرگنائزیشن نے ایس ڈی ایم آفس اوڑی میں دیش بھکتی پر ایک گانا ریلیز کیا۔ سفری فاروق اور راشد اشرف نامی دو نوجوانوں نے یہ گیت ریلیز کیا۔
ایس ڈی ایم اوڑی ہرویندر سنگھ نے ای ٹی وی بھارت کو بتایا کہ اوڑی کی عوام جب کچھ اچھا کام کرتی ہے تو مجھے فخر ہوتا ہے آزادی کے 75 سال پورے ہو گئے ہیں اور اس موقع پر ہمارے اوڑی کے دو نوجوانوں نے مل کر ایک ایسا نغمہ ریلیز کیا ہے، ہمیں بہت خوشی ہے۔
گلوکار سفری فاروق نے کہا 'جب گھر گھر ترنگا مہم چلی تو میں نے سوچا کہ اس پر کچھ کلام بنایا جائے جو میں اپنے دیش کے سامنے رکھ سکوں، میں نے ایک چھوٹی سی کوشش کی تو آج میری یہ کوشش پوری ہوگئی میں ایس ڈی ایم اوڑی کا شکر گزار ہوں کہ انہوں نے ہر وقت مجھے سپورٹ کیا، انہوں نے مزید کہا کہ ان کی وجہ سے آج میں نے اپنا یہ نغمہ ریلیز کیا۔'
اس موقع پر ایس ڈی ایم اوڑی ہرویندر سنگھ، میونسپل کمیٹی چیئرمین، امن و امان کلچرل کلب کے صدر شیخ مہتاب، پہاڑی یوتھ اورگنائزیشن اوڑی اور شہری بھی موجود تھے۔
یہ بھی پڑھیں :Youtube Singer Farmani Naaz: فرمانی ناز کے بھجن گانے پر علما نے اعتراض جتایا
