شمالی کشمیر کے ضلع بارہمولہ کے سوپور قصبہ کے زنگیر براٹ کلان علاقے میں نقلی ادوایات کے چھڑکاؤ کرنے کی وجہ سے باغات کو کافی نقصان ہوا ہے۔
اس سلسلے میں ڈائریکٹر ہارٹیکلچر کشمیر اعجاز احمد بٹ نے علاقے کا دورہ کیا اور کسانوں کو بھروسہ دلایا کہ جو بھی کمپبی اس میں ملوث ہوگی اس کے خلاف سخت کارروائی کی جائے گی۔
مقامی لوگوں نے ذرائع ابلاغ کے ساتھ بات کرتے ہوئے بتایا کہ نقلی ادوایات سے ان کے باغات کو کافی نقصان ہو رہا ہے۔ انہوں نے بتایا کہ ہم نے کل چھڑکاؤ کیا اور کچھ ہی دیر میں سیب کے درخت اس سے جل گئے۔
مقامی لوگوں نے کہا کہ ہم غریب لوگ ہیں اور گزشتہ دو سال سے ہم کافی خسارے میں چل رہے ہیں اور اب نقلی ادوایات ہونے کی وجہ سے ہم اور زیادہ مشکلات میں پڑ گئے ہیں۔
یہ بھی پڑھیں: سوپور: داخلہ نہ ملنے پر طلباء کا احتجاج
ای ڈی وی بھارت کے ساتھ بات کرتے ہوئے ڈائریکٹر ہارٹیکلچر کشمیر اعجاز احمد نے بتایا کہ 'میں نے اس علاقے کا دورہ کیا اور پایا کہ نقلی ادوایات سے کافی سیب کے درخت جل چکے ہیں۔
انہوں نے بنایا کہ ہم ایسے عناصر کے خلاف سخت سے سخت کارروائی کریں گے جو یہ نقلی ادوایات بازار میں بھیج رہے ہیں۔