سوپور: مہراج پورہ میں پل کا کام مکمل نہ ہونے کی وجہ سے لوگ پریشان

لوگوں کے کہنا ہے کہ انہیں کشتیوں کے سہارے دریا کو پار کرنا پڑتا ہے اور اس سے حادثے کا بھی خطرہ لاحق ہے۔

شمالی کشمیر کے ضلع بارہمولہ کے سوپور قصبہ کے مہراج پورہ علاقے میں دریائے جہلم پر آج سے دس سال قبل پل بنانے کا کام شروع کیا گیا تھا لیکن نامعلوم وجوہات کی بنا پر اس پل کام ادھورا چھوڑ دیا گیا۔ جس کی وجہ سے مقامی لوگوں کو کافی مشکلات کا سامنا کرنا پڑتا ہے۔

مقامی لوگوں نے بتایا 'اس پل کی تعمیر کرنے کے لیے آج سے دس سال پہلے انتظامیہ نے کام شروع کیا لیکن تب سے لے کر آج تک پل پر ہر سال کام شروع ہوتا ہے لیکن شروع کرنے کے ساتھ ہی کام کو روک دیا جاتا ہے۔ جس کی وجہ سے ہمیں کافی دشواریوں کا سامنا کرنا پڑتا ہے'۔

لوگوں کے کہنا ہے کہ انہیں کشتیوں کے سہارے دریا کو پار کرنا پڑتا ہے اور اس سے حادثے کا بھی خطرہ لاحق ہے۔

لوگوں نے بتایا 'ہم نے انتظامیہ سے کئی بار گزارش کی کہ اس پل پر کام شروع کیا جائے لیکن کام شروع نہیں کیا گیا۔ ہم ایک بار پھر
ایل جی انتطامیہ سے گزارش کرتے ہیں کہ اس پل پر جلد از جلد کام شروع کیا جائے تاکہ ہماری مشکلات کا ازالہ ہو سکے'۔