شمالی کشمیر سوپور قصبہ اور اس کے مختلف علاقوں میں محکمہ آر اینڈ بی نے سڑکوں کی تعمیر و مرمت کے علاوہ توسیع کا کام بھی شروع کر دیا ہے۔
خستہ حال سڑکوں کے باعث عوام کو ہو رہی پریشانیوں کو مد نظر رکھتے ہوئے انتظامیہ نے سڑکوں کی میڈمائزیشن کے علاوہ بعض مقامات پر سڑکوں کی توسیع کا عمل بھی شروع کیا گیا ہے۔
خستہ حال سڑکوں کی مرمت اور میکڈمائزیشن سے عوام نے راحت کی سانس لی ہے۔ وہیں انتظامیہ کے مطابق سوپور کے نواحی علاقوں میں بھی میکڈمائزیشن کی جائے گی۔
ای ٹی وی بھارت کے ساتھ بات کرتے ہوئے محکمہ تعمیرات عامہ کے ایگزن نے بتایا کہ ’’قصبہ سوپور کے زینہ گیر علاقے کے مختلف دیہات میں میکڈمائزیشن کام شروع کیا گیا ہے اور سوپور- ژتکاک، سوپور- ڈانگرپورہ اور سوپور - بادام باغ سڑکوں کی میکڈمائزیشن کے علاوہ بلیک ٹاپ کا کام بھی مکمل کیا جا چکا ہے۔
مزید پڑھیں:
انہوں نے بتایا کہ مختلف مرکزی معاونت والی اسکیموں کے تحت فنڈس واگزار ہونے کے فور بعد سڑکوں کی تعمیر و مرمت کے علاوہ توسیع کا کام بھی شروع کیا گیا ہے۔
مقامی باشندوں نے انتظامیہ کی سراہنا کرتے ہوئے دیگر علاقہ جات خصوصا دور دراز دیہات میں کی سڑکوں کی مرمت کیے جانے کا بھی مطالبہ کیا ہے۔
