شمالی کشمیر کے ضلع بارہمولہ میں پچھلے چند دنوں سے علاقے میں خوف برپا کرنے والے ایک تیندوے کو پکڑنے میں محکمہ وائلڈ لائف نے کامیابی حاصل کی۔
نمائندے کے مطابق بارہمولہ میں سونم کریری علاقے میں گزشتہ دنوں تیندوے کے حملے سے دو مقامی افراد زخمی ہو گئے تھے، جس کی وجہ سے علاقے میں خوف و ہراس کا ماحول تھا۔
بارہمولہ: خوف بپا کرنے والا تیندوا محکمہ وائلڈ لائف کی گرفت میں
مقامی لوگوں نے اس کی اطلاع محکمہ وائلڈ لائف کو دی جنہوں نے وسیع پیمانے پر تلاشی مہم شروع کرکے تیندوے کو پکڑنے میں کامیابی حاصل کی۔
وہیں محکمہ نے لوگوں سے گزارش کی ہے کہ ایسے وقت میں محکمہ کو تعاون کریں اور محکمہ کے اہلکاروں کو اپنے طریقے سے کام کرنے دیا جانا چاہئے۔
