سوپور میں ڈی سی بارہمولہ ڈاکٹر جی این ایتو اور تحصیل دار سوپور کے علاوہ پولیس نے بھی مارکیٹ کا اچانک دورہ کرتے ہوئے مارکیٹ میں دوکانداروں سے اپیل کی کہ سوشل ڈسٹنسنگ کا خاص خیال رکھنے کے ساتھ ساتھ ماسک کا بھی استعمال کیا جائے گا۔
اس حوالے سے میڈیا سے بات کرتے ہوئے ڈی سی بارہمولہ نے کہا کہ جن لوگوں کو بنا ماسک پکڑا جائے گا ان کے خلاف سخت کاروائی کی جائے گی۔ لحاظہ تمام دوکانداروں کے ساتھ ساتھ عام لوگوں کو بھی اس بات سے باخبر کیا جاتا ہے کہ ماسک اور سوشل ڈسٹنسنگ کا ایڈمنسٹریشن کو اپنا بھر پور تعاون دے کرکے اپنے آپ کو بھی اور اپنے دوستوں کو بھی اس مہلک بیماری سے بچائیں تاکہ ہمیں اس کرونا وائرس سے پوری طرح سے نجات مل سکے۔
بتایا جاتا ہے کہ جن لوگوں کے پاس ماسک نہیں تھا ان کے خلاف ڈی سی بارہمولہ اور تحصیل دار سوپور نے قانونی کاروائی کرنے کا سوپور پولیس کو حکم دے دیا۔ یاد رہے سوپور میں شیڈول کے مطابق مارکیٹ کھلنے لگا ہے۔
