بارہمولہ: ساتھی کی فائرنگ سے سی آئی ایس ایف اہلکار زخمی

زخمی پولیس اہلکار کو ڈسٹرکٹ اسپتال بارہمولہ لے جایا گیا جہاں اس کی حالت نارمل بتائی گئی ہے۔

جموں و کشمیر کے ضلع بارہمولہ کے این ایچ پی سی اڑی میں جمعہ کے روز اپنے ساتھی کے ذریعہ رائفل کی صفائی کے دوران فائرنگ کی وجہ سے نیم فوجی دستے کا ایک جوان زخمی ہو گیا۔

ایک پولیس اہلکار نے ای ٹی وی بھارت کو بتایا کہ ایک کانسٹیبل منجو ناتھ اپنی رائفل صاف کررہا تھا جب گولی چل گئی اور گولی دیوار سے ٹکرانے کے بعد اس کے ساتھی کو جا لگی جس کی شناخت سندیپ دتہ کے نام سے ہوئی ہے۔

زخمی پولیس اہلکار کو ڈسٹرکٹ اسپتال بارہمولہ لے جایا گیا جہاں اس کی حالت نارمل بتائی گئی ہے۔