شمالی کشمیر کے ضلع بارہمولہ کے بونیار، اوڑی میں اے سی بی نے ٹرانسپورٹ محکمہ کے ساتھ وابستہ ایک ملازم کے گھر پر چھاپہ مار کر اس کے رہائشی مکان کی تلاشی لی۔
ذرائع کے مطابق بدھ کی صبح ٹرانسپورٹ محکمہ کے ساتھ وابستہ مختار احمد نامی ایک شخص کے رہائشی مکان پر اے سی بی نے چھاپہ مارا۔ تاہم یہ معلوم نہیں ہوسکا ہے کہ اینٹی کرپشن بیورو کو چھاپہ ماری کے دوران قابلِ اعتراض مواد برآمد ہوا ہے یا نہیں۔
مزید پڑھیں: بارہمولہ: ڈیجیٹل انڈیا کا وہ گاؤں، جہاں موبائل ٹاور نہیں
واضح رہے کہ گزشتہ مہینوں کے دوران اینٹی کرپشن بیورو کی جانب سے رشوت خوری میں ملوث افسران اور اہلکاروں کے علاوہ حوالہ فنڈنگ اور منشیات کے کاروبار میں ملوث افراد کے خلاف کارروائیاں جاری ہیں جس کی عوامی سطح پر بڑے پیمانے پر سراہنا کی جارہی ہے۔
