شمالی کشمیر بانڈی پورہ ضلع میں گریز کے علاقے داور میں بدھ کے روز ایک 20 سالہ نوجوان پھسل گیا۔
ایک پولیس اہلکار نے بتایا کہ کھنڈیال کا رہائشی مزمل سامون (20) ولد غلام محمد سامون پھسل گیا اور داور کے مقام پر کشن گنگا ندی میں گر گیا۔
انہوں نے بتایا کہ واقعہ کے فوراً بعد ہی انہیں فوری طور پر بازیاب کرایا گیا اور نزدیکی اسپتال منتقل کردیا گیا، جہاں ڈاکٹروں نے انہیں مردہ قرار دے دیا۔
انہوں نے کہا، قانونی رسمی کارروائیوں کی تکمیل کے بعد متوفی کی لاش آخری رسومات کے لیے اس کے لواحقین کے حوالے کردی گئی۔
عہدیدار نے بتایا کہ پولیس نے اس سلسلے میں مقدمہ درج کرلیا ہے۔
