گریز میں طبی، ثقافتی و کلچرل کیمپ کا افتتاح ڈائریکٹر رورل ڈیولپمنٹ ڈیپارٹمنٹ کشمیر قاضی سرور نے کیا۔ اس کیمپ کا انعقاد جی آر بیگ میموریل ٹرسٹ نے ڈائریکٹر سکمز ڈاکٹر اے جی آہنگر کے تعاون سے کیا ہے۔ کیمپ کے دوران کئی اشخاص کا فری چیک اپ کرنے کے ساتھ ساتھ ان میں مفت ادویات بھی تقسیم کی گئیں۔ کیمپ کے افتتاحی موقعے پر کشمیر سے تعلق رکھنے والے والے کئی نامور گلوکاروں نے گریز کی خوبصورتی میں اور بھی رنگ بھر دیے۔
طبی، ثقافتی، اور کلچرل کیمپ کا آغاز
اس موقعے پر ڈائریکٹر رورل ڈیولپمنٹ نے کیمپ کی اہمیت کو اجاگر کرتے ہوئے کہا کہ 'اس کا مقصد کورونا کے حوالے سے اس دور دراز کے علاقوں کے لوگوں میں شعور پیدا کرنا ہے۔ انہوں نےکہا کہ بہتر جانکاری فراہم کرنے سے اس سے لڑنے میں آسانی ہوگی۔ انہونے کہا کہ اس خوبصورت وادی میں لوگوں کو صفائی اور اس کی اہمیت کے متعلق جانکاری فراہم کرنا بے حد لازمی ہے۔
