شمالی کشمیر میں ضلع بانڈی پورہ کے شیر کشمیر اسپورٹس سٹیڈیم میں تیسری سنو رگبی چیمپئن شپ شروع ہوگئی ہے۔
چیمپین شپ میں ضلع کی نو ٹیمیں شرکت کر رہی ہے۔
چمپئن شپ میں ضلع بانڈی پورہ کے مختلف علاقوں سے تعلق رکھنے والی ٹیمیں شرکت کر رہی ہیں اور اس چمپئن شپ میں کھلاڑیوں سمیت شائقین میں بھی جوش و جذبہ دیکھنے کو ملا۔
میڈیا سے بات کرتے ہوئے چمپئن شپ میں شریک کھلاڑیوں کا کہنا تھا کہ ’’منفی ہو یا مثبت درجہ حرارت، کھلاڑی کے لئے یہ سب کوئی معنی نہیں رکھتا اور برف پر رگبی کھیلنے کا ایک الگ ہی لطف ہے۔‘‘
علیز اسپورٹس اکادمی (Ali's Sports Academy) کی جانب سے آرگنائز کی گئی چیمپین شپ کا افتتاح ڈی ایس پی ہیڈ کوارٹر بانڈی پورہ ادریس احمد نے کیا اس موقع پر فوج کے ٹاؤن کمانڈر میجر روہت نایر اور پولیس بھی موجود تھے۔
سپورٹس اکیڈمی کے چیرمین کا کہنا تھا کہ مقامی سطح پر اس طرح کی چمپئن شپ سے کھلاڑیوں کو آگے بڑے ایونٹس میں کھیلنے کا موقع ملے گا۔
