ڈپٹی کمشنر بانڈی پورہ ڈاکٹر اویس احمد نے منی سیکرٹریٹ بانڈی پورہ میں بلائی گئی میٹنگ میں عالمی یوم ماحولیات کی تقریبات کی تیاریوں کا جائزہ لیا DC Bandipora Review Meeting ۔ میٹنگ میں ایڈیشنل ڈپٹی کمشنر بانڈی پورہ وسیم راجہ، سیکریٹری ڈی ایل ایس اے فائقہ نذیر، اے سی ڈی بانڈی پورہ عبدالرشید داس، اسسٹنٹ کمشنر پنچایت سید الطاف حسین موسوی کے علاوہ دیگر متعلقہ افسران نے شرکت کی۔
میٹنگ میں سڑکوں اور آبی ذخائر کی صفائی سے متعلق مختلف امور پر تبادلہ خیال کیا گیا۔ میٹنگ میں بتایا گیا کہ عالمی یوم ماحولیات کے پیش نظر ایک ہفتہ طویل صفائی پروگرام پیر سے چلے گا Cleanliness Drive in Bandipora۔ اس موقع پر خطاب کرتے ہوئے ڈی سی بانڈی پورہ نے صاف و صفائی کی اہمیت اور ضرورت پر زور دیا اور کہاکہ یہ انسانی صحت اور تحفظ کے لیے بہت اہم ہیں اور اس کے دوسرے ان گنت فوائد بھی ہیں۔ '
انہوں نے کہاکہ بانڈی پورہ کو پلاسٹک سے پاک بنانے کے لیے "سِنگل یوز پلاسٹک " کے استعمال کو محدود کرنے کے طریقہ کار پر کام کیا جائے گا۔ انہوں نے متعلقہ افسران کو اسکولوں اور کالجوں میں صفائی مہم شروع کرنے کے علاوہ پنچایت سطح پر عوام کو بھی صحت و صفائی کے پروگراموں میں شامل کرنے کی ہدایت دی۔
مزید پڑھیں:
