پولیس ذرائع کے مطابق ضلع بانڈی پورہ کے ترکہ پورہ اور ایس کے بالا علاقے میں پولیس نے غیر قانونی طور ریت اور باجری نکالنے اور ان کی خرید و فروخت کرنے کی پاداش میں 6 ٹپروں کو ضبط کیا ہے۔
پولیس ذرائع نے مزید کہا کہ ٹپروں کو ضبط کر کے مقدمہ درج کر لیا گیا ہے۔ تاہم ان کے مطابق ڈرائیور موقع سے فرار ہو گئے۔
بانڈی پورہ پولیس نے عوام سے اپیل کی ہے کہ وہ ندی نالوں سے از خود ریت یا باجری نکالنے سے پرہیز کریں۔
واضح رہے کہ جموں و کشمیر کی انتظامیہ نے حال ہی میں دریاؤں اور ندی نالوں سے باجری اور ریت از خود نکالنے پر پابندی عائد کر دی ہے اور اس کام کے لیے باضابطہ ایک کانٹریکٹ نظام کا قیام عمل میں لایا ہے جس کے پیش نظر آزادانہ طور پر از خود ریت اور باجری نکالنے کو غیر قانونی قرار دیا ہے۔
